RUC. Repositorio Institucional da UDC

• Elixa publicar en revistas de Acceso Aberto ou que teñan unha política editorial que favoreza o depósito en aberto das publicacións.
• Controle os dereitos de autor e non ceda en exclusiva os dereitos de explotación ao editor. Use addendas nos contratos de editor ou licenzas non exclusivas.
• Deposite as publicacións no RUC tan pronto como sexa posible para conseguir máis visibilidade.
• Suba as publicacións de inmediato, aínda que o editor che obrigue a un tempo de embargo: considere o RUC como o arquivo seguro da versión autorizada para o depósito, xeralmente o post-print de autor.
• Se o documento que deposita no RUC non se vai publicar, é aconsellable aplicarlle unha licenza Creative Commons.
• As teses de doutoramento da UDC estarán en acceso aberto en RUC,
• Visite a Biblioteca para solicitar información sobre todas estas cuestións e axuda no proceso de depósito. 

Quen pode depositar documentos en RUC?
Todo o persoal  docente e investigador sempre que se trate de documentos orixinais do autor e produto da investigación ou docencia

Que tipo de documentos se pode depositar?
En principio admitense todo tipo de documentos, en todo tipo de formatos dixitais que recoñeza o sistema, recomendamos facer uso de formatos dixitais de uso habitual e con estándares abertos xa que facilitan a difusión e preservación.

Como podo depositar?
Unha vez dado de alta no sistema e autorizado a depositar  pode consultar o tutorial de autoarquivo.

Como solicito autorización para depositar?
Contacte conosco en ruc@udc.es e indique a comunidade na que quere depositar. 

Que é unha comunidade?
É un grupo, departamento ou centro con existencia administrativa e que perdura no tempo. Dentro das comuidades pode haber subcomunidades e coleccións. As coleccións son agrupacións de documentos, normalmente do mesmo tipo (artigos, ponencias, etc)

Pódese delegar o depósito dos documentos?
Si, os autores da UDC poden solicitar que a biblioteca realice o depósito dos seus documentos. Para iso, deben dirixirse á biblioteca do seu centro e asinar unha autorización para que a propia biblioteca realice o depósito das publicacións que se queren difundir no RUC.

Podo usar Creative Commons como licenza dos meus traballos?
Sí, pode usar CC, e en caso de que precise unha licenza máis restrictiva pode facer uso da licenza por defecto de RUC.