Skip to Main Content

Zotero

Zotero é un xestor de referencias, que che permitirá crear citas e referencias en calquera estilo bibliográfico

Qué é Zotero

Zotero é unha ferramenta gratuíta que te axudará a recoller, organizar, anotar, citar e compartir investigacións.

Obtén información cun só clic

Zotero detecta automáticamente a información mentres navegas pola web. Necesitas un artigo das nosas bases de datos? Un conto de El País ou un libro da biblioteca? Zotero é capaz de obter información de calquera sitio.

Organiza a túa información

Zotero axúdate a organizar a túa investigación. Podes clasificar elementos en coleccións e etiquetalos con palabras chave.

Cita con estilo

Zotero crea ao instante referencias e bibliografías para calquera editor de texto directamente en Word, LibreOffice e Google Docs. Co soporte para máis de 10.000 estilos de citas, podes formatar o teu traballo para que coincida con calquera publicación ou guía de estilo.

Permanecer sincronizado

Zotero pode sincronizar opcionalmente os teus datos entre dispositivos mantendo os teus ficheiros, notas e rexistros bibliográficos actualizados. Se decides sincronizar, sempre podes acceder á túa investigación desde calquera navegador web.

Colaborar libremente

Zotero permíteche co-escribir un artigo con outra persoa, distribuír materias do curso ao estudantado ou crear unha bibliografía colaborativa. Podes compartir unha biblioteca de Zotero con tantas persoas como queiras, sen ningún costo.

Podes estar tranquila/o

Zotero é de código aberto e desenvolvido por unha organización independente sen ánimo de lucro e non ten interese financeiro. Con Zotero, sempre tes control dos teus datos.

 

Universidade da Coruña. Servizo de Biblioteca Universitaria. Campus de Elviña, Edificio Xoana Capdevielle, 15071, A Coruña. infoguías.biblioteca@udc.es     Licenza de Creative Commons