Citas e referencias bibliográficas: Xestores bibliográficos

Un xestor bibliográfico ou xestor de referencias bibliográficas é unha aplicación informática que se utiliza para organizar as referencias bibliográficas, procedentes de diferentes fontes de información. Permiten a creación de bases de datos personais nas que o usuario pode recompilar, gardar, actualizar e ordenar un gran volume de referencias bibliográficas.

Cada persoa usuaria crea, actualiza e mantén a súa base de datos bibliográfica segundo as súas necesidades. Pódense descargar as referencias de forma manual ou automática, a partir de buscas en catálogos, bases de datos ou portais de revistas electrónicas.

Para que sirve un xestor?

• Recompilar  de forma automática referencias bibliográficas de bases de datos, catálogos de bibliotecas e páxinas web.
• Almacenar, organizar, editar e buscar as referencias gardadas.
• Insertar as citas no texto e ao pé de páxina cando se está a redactar un traballo.
• Crear a bibliografía elixindo un formato normalizado.
• Compartir con oturos usuarios as referencias bibliográficas e a bibliografía.