Recoméndase que os autores asignen unha licenza de uso aos datos. As máis utilizadas son Creative Commons, así como as específicas para datos Open Data Commons.
Entre as licenzas de dominio público destacan:
- Creative Commons Zero (CC0): ofrece os datos en dominio público. Baixo esta licenza os datos pódense copiar, modificar, distribuir e facer públicos, incluso para fins comerciais, sen solicitar autorización.
- Public Domain Dedication and Licence (PDDL): permite compartir libremente, modificar e usar os datos para calquera propósito e sen ningún tipo de restricción.
A guía OpenAIRE. How do I license my research data? Guides for Researchers distingue segundo a tipoloxía dos datos:
- Se os datos se califican como un traballo (literario, un artigo de revista ou un software), CC BY 4.0 (CC Atribución) soe ser a mellor opción. O uso de "Share Alike" (Compartir igual) tamén é compatible coa definición de acceso aberto e se reforza na guía de licencias do Plan S para publicacións. Débese evitar o uso "Non comercial" pois non é compatible co Open Access. O uso de "No derivado" debe evitarse.
- Se os datos de investigación son unha base de datos ou un conxunto de datos (datos non estructurados que no cumpren coa definición da base de datos), polo xeral, a mellor opción é un CC0, que renuncia a todos os seus dereitos sobre a base de datos. As licenzas CC só tratan con dereitos de autor e asuntos relacionados cos dereitos de autor. Os datos persoais non se inclúen en CC e se analizan por separado.
Todas as demais tipoloxías pódense consultar nesta listaxe de Licenzas conforme a Open Definition.
A ferramenta gratuíta License Selector é moi útil para decidir a licencia que se axusta mellor a cada tipo de dataset ou software.
Máis información na guía How to License Research Data, sobre como aplicar unha licenza aos datos de investigación.
