Guía para publicar

Na área de Ciencias Sociais e Humanidades os libros e os capítulos de libros son un medio habitual de difusión dos resultados dunha investigación, polo que as axencias de avaliación e acreditación teñen en conta este tipo de publicacións.

É aconsellable avaliar o prestixio da editorial antes de enviar un orixinal, tendo en conta:

• A reputación académica e internacional,
• A liña editorial. Nos catálogos dos editores pódense consultar as súas áreas de interese, as súas prioridades e que están a publicar na actualidade.
• Que siga un proceso de revisión por pares 
• Ver se a editorial ten relevancia na nosa área e cal é o seu posto en fontes como  Scholarly Publishers Indicators.
• Comprobar  se  a  editorial  está  recollida  en  índices  de  calidade internacional, como o  Book Citation Index.
• Algunhas series de libros están no JCR e teñen factor de impacto.

É importante rexistrar os dereitos de autor e obter un número de ISBN. O ISBN non é obrigatorio en España na actualidade nin para obter o Depósito Legal nin para publicar un libro, sen embargo, a ANECA inclúeno como indicio de calidade dunha publicación.

Existe unha ampla diversidade de congresos, conferencias ou simposios especializados en todas as disciplinas do coñecemento coa finalidade de adiantar resultados científicos, discutilos e sometelos a unha audiencia experta.Un traballo de investigación pódese presentar nun congreso e publicarse nas actas do mesmo.

• Comunicacións. Son propostas dos participantes nun congreso e se son aceptadas polo comité científico e preséntanse ó redor de 30 minutos.
• Ponencias. Adoitan propoñelas os organizadores e teñen unha extensión maior (acostuman presentarse durante 45-60 minutos)

Inclúen unha introdución curta, un corpo central e unha conclusión.