A identificación de autoría na UDC

Google Scholar Citation ten a vantaxe da súa enorme popularidade e universalidade como fonte de información gratuíta e posúe gran versatilidade á hora de rastrexar todo tipo de documentos.

O servizo de citas de Google Académico permite ós investigadores:

• Realizar un seguimento dos seus artigos
• Comprobar as citas recibidas polas súas publicacións
• Consultar un gráfico coa evolución das súas citas no tempo
• Coñecer o seu índice h e índice i10

Google Académico só indiza publicacións que se atopan en sitios web que se adecúan as súas directrices. Algunhas estratexias para que se recollan as publicacións son:

• Publicar en editoriais científicas que teñan acordos asinados con Google
• Depositar as publicacións no RUC (repositorio institucional da UDC)
• Incluilas en portais como Dialnet
• Incluilas tamén na páxina persoal ou na web do departamento ou grupo de investigación. 
• Utilizar as redes científicas profesionais para difundir os seus traballos​  

Máis información e xestións 

Os pasos para crear un perfil de autor en Google Académico son:

1. Entrar en Google Académico e facer clic en Mis citas
2. Crear unha conta de Gmail ou iniciar sesión nunha existente
3. ​Completar o formulario de rexistro​

Unha vez creado o rexistro, permite buscar, identificar e engadir publicacións, e pódese completar o perfil con foto, búsqueda de coautores, crear alertas, etc.

Para os autores da UDC é importante no formulario de rexistro: 

• Incluir a filiación á Universidade da Coruña
• Utilizar a conta de email institucional  (@udc.es, @udc.gal)
• O perfil é por defecto privado, agás que o autor elixa facelo público. O perfil público dá unha maior visibilidade persoal e institucional.

Formulario de rexistro:

Actualización automática do perfil:

En Google Scholar, o perfil do autor só aparece cando este elixe facelo público.
 

Exemplo dun perfil público en Google Scholar:

Exemplo dun perfil en Google Scholar Citation: