INFOguías: A identificación de autoría na UDC: ResearchGate

Que é ResearchGate

ResearchGate é unha rede profesional dirixida á comunidade investigadora de distintos ámbitos e de todas as disciplinas científicas. Constitúese nunha ferramenta de colaboración que permite o intercambio de coñecementos e experiencias, ofrecendo a posibilidade de atopar a outros investigadores con ideas afíns que traballan en proxectos similares e permitir a colaboración científica entre eles.

Ademáis doutras accións, permite:

Crear e xestionar un perfil de autor
Compartir publicacións
Obter estatísticas e métricas sobre o perfil e as publicacións

Máis información e xestións

Crear conta e completar perfil de autoría

Para crear unha conta e completar o perfil do autor, hai que:

1. Entrar en ResearchGate e pulsar en Join for Free

2. Elixir o tipo de investigador, os datos de filiación á UDC (institución e departamento) e os datos do investigador. É importante empregar a conta de correo electrónico institucional para que ResearchGate ao recoñecer o dominio, confirme a pertenza á UDC.

3. Unha vez creado o perfil pode completarse con datos sobre intereses, educación, proxectos, experiencias, publicacións, datos de contacto...ResearchGate permite xestionar a privacidade e o control sobre a visibilidade dos datos e a información que proporciona no perfil.

Exemplo de perfil

Engadir publicacións

Pódense engadir publicacións, traballos non publicados, e outras investigacións adicionais (como datos en bruto ou resultados negativos)
No perfil de autor, hai que seleccionar o tipo de publicación na lista despregable, facendo clic no cuadro Add new da esquina superior dereita.

A continuación, buscarase a publicación na base de datos para añadila ao perfil ou, de non estar listada, engadirase manualmente.

Unha vez agregadas as publicacións ou unha vez confirmada a autoría, aparecerán na pestana Contributions do perfil.

Métricas

ResearchGate ofrece diversos tipos de estatísticas e métricas do autor e as súas publicacións como, por exemplo, o número de visitas ao perfil, as descargas dun documento e as citas.

Ofrece tamén o índice h, e o indicador RG Score, que resume tanto a popularidade do autor (visitas ao perfil e ás súas publicacións, descarga de artigos e número de seguidores) como o seu compromiso coa comunidade de ResearchGate (como interactúa a través de Preguntas y Respuestas).

Ademais dá a súa posición relativa na comunidade .

ResearchGate. Help Center - Stats page

Xerar DOIs

ResearchGate permite xerar DOIs para a maior parte dos traballos non publicados.

EXEMPLO

Conxunto de datos (dataset) subido manualmente a ResearchGate (neste caso o sistema admite calquera tipo de ficheiro que conteña datos: xls, csv, zip, etc.)

No seguinte cadro, marcar a casilla Generate a DOI for this file:

EXEMPLO

Conxunto de datos subidos manualmente a ResearchGate (neste caso o sistema só admite arquivos de texto: pdf, doc, txt, etc.)

Pulsar sobre Generate a DOI

Máis funcionalidades

ResearchGate permite:

Seguir, descargar e compartir publicacións recomendadas nun campo de estudo
Buscar artigos de interese, seguilos, descargalos se están dispoñibles ou solicitar ao autor o texto completo
Da mesma maneira que permite seguir artigos, tamén deixa seguir investigadores
Pódense buscar publicacións dentro da rede do investigador (o que ResearchGate chama Your Network), composta polas persoas que segue, colegas de departamento ou universidade, coautores de obras subidas á plataforma e investigadores que citan ou son citados polo investigador.

Aparte do perfil de autor e das publicacións, o menú superior da páxina persoal de ResearchGate consta doutros elementos:

Questions: permite obter respostas a dúbidas de investigación e compartir os coñecementos contestando preguntas alleas, participando en discusións. Tamén as preguntas poden ser seguidas para recibir actualizacións da conversa.
Jobs: solicitudes e ofertas de emprego