A identificación de autoría na UDC

Academia.edu é unha rede profesional, académica que permite poñer en contacto investigadores de todo o mundo. É unha importante fonte de información para coñecer que é o que investigan ou que é o que máis interesa a outros investigadores.

De maneira gratuíta permite:

• Crear e manter un perfil científico que mostra áreas de interese, publicacións, datos de contacto, perfís doutras redes profesionais, seguidores,...
• Importar o curriculum vitae e mostralo no perfil
• Utilizar o perfil como páxina persoal e colocar o botón Sígueme en Academia.edu no seu sitio web
• Interactuar con outros investigadores mediante mensaxes dentro da plataforma
• Marcar documentos de interese para lelos máis tarde
• Subir e compartir documentos en diferentes formatos. Estes documentos e o perfil son idexados en buscadores como Gooble, Yahoo e Bing.

A versión "Academia Premium" é de pago e permite obter as seguintes funcionalidades:

• Descargar as publicacións relacionadas cos nosos intereses.
• Buscar documentos a texto completo e citas entre máis de 25 millóns de publicacións.
• Recibir alertas das nosas mencións e citas e rastrexar o seu impacto.
• Acceder a cursos impartidos por académicas/os de nomeado prestixio.
• Coñecer os perfís das persoas que visitan o perfil propio.
• Obter analíticas do CV propio.

Máis información e xestións:

• Crear conta 
• Help Center

Videotutorial da UNED 

Pódese entrar a través dunha conta previa en Google ou en Facebook ou darse de alta cubrindo un formulario co nome, e-mail e contrasinal.
Unha vez creada a conta, pódese editar o perfil e fixar, entre outras opcións, a firma e a filiación.

Pódense engadir traballos publicados ou calquera outro tipo de documento sen publicar, como por exemplo, conxuntos de datos de inviestigación. Hai tres posibilidades:

• Subir directamente o ficheiro co traballo
• Engadir manualmente os datos bibliográficos se non hai ficheiro electrónico
• Engadir en bloque a listaxe de traballos publicados polo autor, a través du ficheiro BibTex, . 

• ​Academia.edu. Help center - Papers