Día Internacional da Eliminación da Violencia contra a Muller

Olla, que ves? Cando a violencia machista non deixa de ser noticia

Con esta iniciativa deseñada e organizada pola Equip[a] da Igualdade da BUDC, todas as bibliotecas empapelaremos as nosas mesas  con noticias de violencias contra as mulleres e o colectivo LGTBIQA+.

Obxectivos

• Sensibilizarmos á comunidade universitaria da persistencia da violencia machista. 

• Xerarmos conciencia sobre a diversidade de situacións que constitúen violencia de xénero e violencia machista. 

• Fomentarmos a reflexión e o diálogo para impulsarmos un cambio cultural cara a igualdade e o respecto. 

• Contribuírmos á demolición do sistema patriarcal que oprime e mata a mulleres en calquera lugar do planeta.  

“Todas somos Palestinas”. Costureiras contra as violencias machistas. Proxecto de artivismo Téxtil

Co-creación dun mosaico ou tapiz colaborativo usando a técnica da almazuela ou patchwork, para facermos un retrato coral baseado no lema feminista “Se tocan a unha, tócannos a todas”.

Está aberta  a toda a comunidade universitaria e persoas externas.

Cada quen é libre de representar nun fragmento de tea a voz, rostro, corpo,  palabras, soños, desexos, loitas, berros, historias, aspiracións das mulleres en calquera cartografía do mundo.

As Facultades, Servizos ou Bibliotecas poden sumarse á acción por medio da organización da acción no seu centro ou coa recollida das pezas téxtiles elaboradas no mesmo. Para confirmardes a participación podedes enviar unha mensaxe a igualdade.educacion@udc.gal

Máis información.

Mapa do xenocidio e da esperanza: Gaza en violeta. Mércores 29 de novembro 2023

• Exposición de Fancines Alza a voz: violencias machistas e xenocidio en Gaza
• Performance Xogo de Crianzas (12:05 tras o minuto de silencio pola xustiza en Palestina, nas escaleiras entre as Facultades de Dereito e Ciencias da Educación)
• Obradoiro de Sudarios para Crianzas, en Occidente mercamos crianzas en Palestina asesínanse
• Inmersión audiovisual Oasis do son: os horrores da guerra
• Selfies durante o asedio Be real en Gaza
• Photocall Animais de peluche para as crianzas gazatíes
•  Campaña en Tick Tock Verde esperanza
• Mural/enquisa Guerra o cuadrado para mulleres e nenas (menstruar nos conflitos bélicos)
• Mariola das mulleres refuxiadas
• Realización colaborativa da Trenza da xustiza e liberdade para Palestina
• Mural provocativo As dúas caras da guerra: á muller sen rostro
• Fanzine/enquisa Comecocos Palestina en violeta

Vídeo de cancións que fan referencia á violencia de xénero. Proxectarase na televisión da entrada da Biblioteca.

Cartel coas distintas formas de violencia de xénero.

Cartel onde o alumnado poida escribir as súas impresións sobre as distintas formas de violencias contra a muller.

Centro de interese Non á violencia de xénero

A Biblioteca da Facultade de Dereito elaborou este centro de interese con títulos tan atractivos como a película Te doy mis ojos que este ano protagoniza o acto principal do Concello da Coruña en torno á violencia de xénero, libros de estudo ou un cómic, Quiéreme bien: una historia de maltrato de Rosalind B. Penfold.

25N Hai saída: muller, traballo e emprendemento

Esta mostra bibliográfica trata o tema do emprendemento como saída laboral para mulleres en situación de dependencia económica, risco de exclusión social, violencia, mulleres migrantes... dentro das actividades que desenvolve a Facultade polo 25N, Día Internacional para a Eliminación da Violencia contra a Muller.

Pódese visitar entre novembro e decembro de 2023.

Lugar: Biblioteca da Facultade de Economía e Empresa. Campus de Elviña.

"Esta furia e esta razón. Semana poética contra as violencias de xénero": o alumnado da Facultade de Filoloxía da materia "Poesía en Lingua Galega e Portuguesa", en colaboración co Decanato e a Biblioteca deseñaron este evento coas seguintes actividades:

• Antoloxía de poemas, distribuídos polas portas das salas de aulas.
• Cadro colaborativo no vestíbulo da Facultade, a partir da oración: "Eu loixo contra as violencias de xénero porque..."
• Centro de interese bibliográfico na Biblioteca.
• Campaña na conta de Instagram @poesia.udc
• Coloquio "A poesía galega contra as violencias de xénero": 22 de novembro no salón de graos ás 13:00 h. Contará coa presenza de Inma Doval, Ánxela Lema e Ana Fraile Somoza.
• Despois do coloquio haberá un recital poético aberto á participación de todas as persoas interesadas (con textos propios ou alleos). Para participar no recital, é preciso inscribirse previamente no correo electrónico poesiadecuarto@gmail.com.

Panel sobre a fenda de xénero

A Biblioteca invítavos a reflexionar e a participar coa vosa opinión acerca das actitudes e estruturas sociais que perpetúan a desigualdade de xénero contra as mulleres.