Covidence. Revisións sistemáticas

As revisións integradoras resumen a literatura sobre un problema ou fenómeno sanitario, utilizando tanto literatura empírica como teórica. Son especialmente populares na literatura de investigación sobre enfermería.

As revisións integradoras son útiles para:

• Definir conceptos complexos
• Revisar as teorías da evidencia
• Analizar cuestións metodolóxicas

As limitacións das revisións integradoras son:

• A combinación de varias metodoloxías e deseños de estudo diferentes pode dar lugar a problemas de precisión, sesgo ou rigor.
• A metodoloxía para determinadas seccións dunha revisión integradora aínda non está ben definida.

​​​​​​​Fontes:

1. Grant MJ, Booth A. A typology of reviews: An analysis of 14 review types and associated methodologies. Health information & libraries journal. 2009 Jun;26(2):91-108.
2. Whittemore R, Knafl K. The integrative review: updated methodology. Journal of advanced nursing. 2005 Dec;52(5):546-53.
3. Hopia H, Latvala E., & Liimatainen L.. Reviewing the methodology of an integrative review. Scandinavian Journal of Caring Sciences, 2016; 30(4), 662–669. https://doi.org/10.1111/scs.12327

Aínda que moitos aspectos de PRISMA están pensados para as revisións sistemáticas, tamén existe unha listaxe de comprobación específica para as revisións de alcance. Ademais, moitas das outras extensións poden ser útiles para as revisións de alcance, modificándoas cando sexa necesario.

• Listaxe de verificación PRISMA

  Unha listaxe de verificación de 27 elementos que aborda as seccións de introdución, métodos, resultados e discusión dun informe de revisión sistemática. Adoita ser moi recomendado ou requerido polas revistas ao enviar un manuscrito de revisión sistemática.

• Diagrama de fluxo PRISMA

  Un diagrama que representa o fluxo de información a través das diferentes fases dunha revisión sistemática. Amosa o número de rexistros identificados, incluidos e excluidos, e os motivos das exclusións. Tamén moi recomendado ou requerido polas revistas ao enviar un manuscrito de revisión sistemática.

• PRISMA-P

  Un documento destinado a facilitar o desenvolvemento e a presentación de informes de protocolos de revisión sistemática.

• PRISMA para resumos

  Unha listaxe de verificación de 12 elementos que ofrece aos autores e autoras un marco para condensar a súa revisión sistemática no esencial para un resumo da conferencia.

• PRISMA-S

  É unha extensión da declaración PRISMA dirixida exclusivamente a describir como se fixo a busca da revisión sistemática.