INFOguías: Citas e referencias bibliográficas: Presentación

Por que se debe citar?

Cando se redacta un traballo académico (tese, artigo de revista, ponencia, etc), no que se inclúe información allea, débese indicar a procedencia da dita información, é dicir, o documento ou fonte orixinal.

Razóns polas que se debe citar:

Recoñécese o mérito dos/as autores/as que se consultaron para realizar o traballo.
Refórzase a credibilidade da investigación.
Evítase caer no plaxio, facendo un uso correcto e ético da información.
Identifica a fonte da que se obtivo a idea mencionada no texto, o que posibilita a consulta de primeira man dos documentos que se mencionan.

Aclarando conceptos

Qué é unha cita bibliográfica?

É unha breve indicación da obra da que se tomou información para incluír nun texto. Exemplo:

Qué é unha referencia bibliográfica?

É un conxunto de datos que permiten a identificación dun documento e a súa localización. A referencia é un complemento da cita xa que aporta máis información sobre o documento que se cita. Exemplo:

Qué é unha bibliografía?

É unha listaxe completa de todas as referencias bibliográficas dos documentos que se consultaron para a elaboración dun traballo ou investigación. Exemplo:

Qué é un estilo bibliográfico?

Para redactar as citas e referencias dunha maneira uniforme e coherente existe unha variedade de normas ou estilos bibliográficos: APA, Vancouver, a Norma ISO 690:2010 e a súa correspondencia en español UNE-ISO 690:2013, etc. Elixirase o que mellor conveña á área científica ou a que recomende a persoa que titorice o traballo, tese, etc.

Cando citar

Cítase:

Hai que citar e referenciar sempre que se use unha idea, un dato ou unha explicación dunha fonte allea. Pode ser unha cita literal, unha paráfrase ou unha mención. En todos estes casos hai que facer referencia da fonte de onde se obtiveron os datos.

Non se cita:
- As ideas, conclusións ou experiencias propias.
- Cando a información é de coñecemento común.