Covidence. Revisións sistemáticas

Unha revisión de alcance é unha "avaliación preliminar do tamaño potencial e o alcance da literatura de investigación dispoñible" sobre un tema.² Este tipo de revisións adoitan examinar moitos deseños e métodos de estudo diferentes, e poden incluir investigacións en curso.

As revisións de alcance poden ser independentes ou utilizarse como ferramenta para avaliar se pode levarse ao cabo unha posible revisión sistemática sobre unha cuestión.

As revisións de alcance son útiles para:

• Examinar un corpus de literatura que non foi revisado exhaustivamente.
• Identificar ou aclarar conceptos ou definicións chave.
• Averigüar como se leva ao cabo a investigación sobre un tema. 

As limitacións das revisións de alcance inclúen: 

• Xeralmente non avalían a calidade da evidencia atopada
• Acostuman a incluir un gran número de documentos, o que fai preciso contar cun gran equipo de estudo con fins de cribado
• Posiblemente esixan varias buscas amplas para centrarse en varios temas
• Por mor da súa natureza, non proporcionan respostas a preguntas concretas, senón que ofrecen unha visión xeral.

Fontes:

1. Arksey H, O'Malley L. Scoping studies: towards a methodological framework. International journal of social research methodology. 2005 Feb 1;8(1):19-32.
2. Grant MJ, Booth A. A typology of reviews: An analysis of 14 review types and associated methodologies. Health information & libraries journal. 2009 Jun;26(2):91-108.
3. Munn Z, Peters MD, Stern C, Tufanaru C, McArthur A, Aromataris E. Systematic review or scoping review? Guidance for authors when choosing between a systematic or scoping review approach. BMC medical research methodology. 2018 Dec;18(1):1-7.
4. Sucharew H, Macaluso M. Progress notes: methods for research evidence synthesis: the scoping review approach. Journal of hospital medicine. 2019 Jul 1;14(7):416-8.
5. Chambergo-Michilot D, Diaz-Barrera ME, Benites-Zapata V A.  Revisiones de alcance, revisiones paraguas y síntesis enfocada en revisión de mapas: aspectos metodológicos y aplicaciones. Revista Peruana de Medicina Experimental y Salud Pública. 2021; 38(1), 136–142. https://doi.org/10.17843/rpmesp.2021.381.6501

Image by Clker-Free-Vector-Images from Pixabay.

Aínda que moitos aspectos de PRISMA están pensados para as revisións sistemáticas, tamén existe unha listaxe de comprobación específica para as revisións de alcance. Ademais, moitas das outras extensións poden ser útiles para as revisións de alcance, modificándoas cando sexa necesario.

• Listaxe de verificación PRISMA

  Unha listaxe de verificación de 27 elementos que aborda as seccións de introdución, métodos, resultados e discusión dun informe de revisión sistemática. Adoita ser moi recomendado ou requerido polas revistas ao enviar un manuscrito de revisión sistemática.

• Diagrama de fluxo PRISMA

  Un diagrama que representa o fluxo de información a través das diferentes fases dunha revisión sistemática. Amosa o número de rexistros identificados, incluidos e excluidos, e os motivos das exclusións. Tamén moi recomendado, ou esixido,  polas revistas ao enviar un manuscrito de revisión sistemática.

• PRISMA-P

  Un documento destinado a facilitar o desenvolvemento e a presentación de informes de protocolos de revisión sistemática.

• PRISMA para resumos

  Unha listaxe de verificación de 12 elementos que ofrece aos autores e autoras un marco para condensar a súa revisión sistemática no esencial para un resumo da conferencia.

• PRISMA-S

  É unha extensión da declaración PRISMA dirixida exclusivamente a describir como se fixo a busca da revisión sistemática.