INFOguías: Guía sobre feminismo, xénero e igualdade: CENTROS, ASOCIACIÓNS E INSTITUCIÓNS

Centros da Universidade da Coruña

CEXEF (Centro de Estudos de Xénero e Feministas) Espazo de investigación de carácter aberto e multidisciplinar, no que teñen cabida todas aquelas persoas que traballan en liñas de investigación en materia de xénero e/ou feminismo.
Oficina para a Igualdade de Xénero A Oficina para a Igualdade de Xénero ten como misión velar polo cumprimento do principio de igualdade entre mulleres e homes coa finalidade de acadar a plena incorporación das mulleres a vida política, cultural e científica no seo da UDC.
REDIX (Rede para a docencia e investigación con perspectiva de xénero) Rede constituída por profesorado e persoal investigador de distintos ámbitos da UDC que perseguen avanzar na calidade e innovación do ensino e a investigación, apostando pola incorporación efectiva do principio de igualdade entre mulleres e homes.

Centros, asociacións e institucións de Galicia

Centro de Documentación e Recursos Feministas de Vigo Dependente da Concellería de Igualdade, é un servizo de xestión de información, documentación e materiais de traballo sobre muller, xénero e igualdade dirixido ao público en xeral ou a persoal especializado e interesado nas citadas temáticas.
Centros de Información ás mulleres
Unidade de Muller e Ciencia de Galicia Creada coa finalidade de dinamizar e transformar a ciencia e a tecnoloxía galegas dende a perspectiva de xénero, co obxectivo de promover a igualdade entre mulleres e homes neste ámbito, rachando cos estereotipos de xénero.
Consorcio Galego de Servizos de Igualdade e Benestar Integrado pola Xunta de Galicia, 284 concellos galegos e 5 mancomunidades, é a fórmula xurídica escollida para unha xestión moderna e innovadora dos servizos sociais.
Concellaría de Igualdade e Diversidade do Concello da Coruña
Rede Educativa de Apoio LGBTIQ+ de Galicia Primeira e única asociación, sen ánimo de lucro e a nivel estatal, constituída por profesionais do ámbito educativo que traballan a coeducación, a diversidade sexual, de identidade de xénero e familiar e a educación sexual nas aulas

Outros centros, asociacións e institucións

Asociación de Hombres por la Igualdad de Género (AHIGE) Os seus obxectivos básicos son traballar contra a discriminación estrutural que a sociedade machista xera (basicamente sobre as mulleres e persoas non heterosexuais) e favorecer o cambio dos homes cara a posicións igualitarias.
Asociación Española de Investigación e Historia de las Mujeres (AEIHM) Ten como obxectivos coordinar as relacións entre os centros de investigación de Historia das Mulleres existentes nas Universidades españolas e a FICIHM, potenciar os estudos de Historia das Mulleres e do Xénero no mundo académico español e proxectalos a nivel internacional, e promover a investigación no campo da Historia das Mulleres e do Xénero.
Asociación Española de Mujeres Investigadoras y Tecnólogas (AMIT) Integrada por investigadoras e tecnólogas de variadas disciplinas que desenvolven o seu labor investigador, tecnolóxico, ou de xestión da ciencia en organismos e centros de investigación españois públicos e privados.
Asociación GENET: red de estudios de género Pretende propiciar a colaboración entre especialistas das Ciencias Humanas, Sociais e Xurídicas pertencentes a máis de 40 institucións nacionais e internacionais co fin de investigar as causas e formas da desigualdade por razóns de xénero e presentar liñas e eixos de actuación para a aplicación de políticas públicas que propicien a igualdade de mulleres e homes e erradiquen calquera tipo de discriminación por razón de sexo.
Asociación Internacional de Lesbianas, Gays, Bisexuales, Trans e Intersex (ILGA) Federación mundial de máis de 1.700 organizacións de máis de 160 países e territorios que realizan campaña a favor dos dereitos humanos das persoas lesbianas, gays, bisexuais, trans e intersex.
Asociación para la Igualdad de Género en la Cultura : Clásicas y Modernas Asociación de mulleres profesionais da literatura, o xornalismo, a música, o teatro, o cinema… nas súas distintas facetas (creación, xestión, investigación, crítica, teoría, ensino…)
Confederación Nacional Mujeres en Igualdad Organización non gobernamental de interese social, sen ánimo de lucro, declarada de Utilidade Pública por Resolución nº F 1447 do Ministerio do Interior. Desde 1997 xestionan centros de acollida para mulleres vítimas de violencia de xénero e para os seus fillos menores de idade.
European Institute for Gender Equality Organismo autónomo da Unión Europea establecido para contribuír e fortalecer a promoción da igualdade de xénero e a loita contra a discriminación baseada no sexo, así como para educar aos cidadáns da UE na igualdade de xénero.
European Women’s Lobby ONG que traballa para promover os dereitos das mulleres e a igualdade entre mulleres e homes. É a organización de coordinación máis grande das asociacións de mulleres da Unión Europea.
Federación de Asociaciones de Asistencia a Víctimas de Violencia Sexual y de Género Organización independente, non gobernamental e sen ánimo de lucro que integra a 9 asociacións especializadas no traballo de asistencia (xurídica, psicolóxica…) a vítimas de agresións sexuais e malos tratos repartidas por todo o territorio nacional, así como en formación, prevención, concienciación e asesoramento sobre a violencia machista.
Federación Estatal de Lesbianas, Gais, Trans y Bisexuales ONG estatal de carácter laico, laicista, feminista, apartidista e asindicalista que agrupa a máis de 50 entidades LGTBI de todo o territorio español. Traballan pola diversidade afectivo-sexual, familiar e de xénero, así como pola loita contra o VIH e sida.
Fundación Mujeres Organización non gobernamental sen ánimo de lucro desde a que traballan na posta en marcha de proxectos de intervención, nos diferentes ámbitos da participación social, política, económica e cultural, co obxectivo de lograr que a igualdade de oportunidades sexa real e efectiva.
Global Fund for Women Organización que loita por ampliar os dereitos das mulleres e nenas en todo o mundo.
Instituto de la Mujer y para la Igualdad de Oportunidades (IMIO) Organismo autónomo adscrito ao Ministerio de la Presidencia, Relaciones con las Cortes e Igualdad que ten como funcións o promover e fomentar a igualdade de ambos os sexos, facilitando as condicións para a participación efectiva das mulleres na vida política, cultural, económica e social, así como a de impulsar políticas activas para o emprego e o autoemprego das mulleres e a de fomentar e desenvolver a aplicación transversal do principio de igualdade de trato e non discriminación.
Lobby Europeo de Mujeres en España Plataforma de asociacións de mulleres sen fins lucrativos cuxo obxectivo é promover o empoderamento das mulleres en toda a súa diversidade, para avanzar na igualdade de xénero, loitar contra todas as formas de discriminación e violencia contra a muller e garantir o seu pleno acceso a todos os seus dereitos.
ONU Mujeres Organización das Nacións Unidas dedicada a promover a igualdade de xénero e o empoderamento das mulleres.
Plataforma Universitaria de Estudios Feministas y de Género Conta coa participación de máis de 30 entidades universitarias, axencias de investigación e asociacións, e ten como obxectivos fundamentais esixir o cumprimento da lei en materia de igualdade de xénero, traballar para a creación dunha área de coñecemento específica, así como non retroceder nos avances conseguidos ata a data.
Red de Unidades de Igualdad de Género para la Excelencia Universitaria (RUIGEU) Reúne todas as unidades, oficinas, observatorios, comisións, secretariados de igualdade de oportunidades entre mulleres e homes das universidades públicas españolas e aquelas privadas que soliciten adhesión.

Xornada Universitaria Galega en Xenero (XUGeX)

Desde 2013, as oficinas de igualdade de xénero das universidades galegas traballan conxuntamente para facer realidade a Xornada Universitaria Galega en Xénero, punto de encontro e reflexión para o persoal docente e investigador que traballa con perspectiva de xénero.