Ir ao contido principal

A identificación de autoría na UDC

 

Obxectivos

O obxectivo desta guía é proporcionar visibilidade ás autoras/es nas bases de datos de publicacións, repositorios, buscadores na rede, etc. así como facilitar o seguimento da produción científica da UDC: 

  1. Mostrar a importancia da firma científica nun contorno de investigación dixital.
  2. Dar a coñecer as formas recomendadas para os nomes dos autores, co fin de ser indexados correctamente nas principais bases de datos científicas.
  3. Divulgar as directrices de filiación institucional da Universidade da Coruña
  4. Presentar ORCID e outros identificadores para que o investigador obteña o seu perfil de autor nas redes profesionais e académicas

É importante nas publicacións

  • Firmar sempre as publicacións coa mesma forma e grafía do nome de autor.
  • Indicar sempre a filiación institucional conforme as instrucións da Universidade da Coruña
  • Recoméndase que todos os/as autores/as do ámbito científico e académico dispoñan do seu identificador único ORCID

Estratexia de visibilidade para investigadores da UDC

  1. Firma científica: nome do autor/a e da Universidade da Coruña
  2. Crear o identificador ORCID
  3. Crear/revisar o perfil público do autor/a en Google Scholar Citation
  4. Crear/completar outros identificadores (Author ID, ResearchID, Dialnet)
  5. Sincronizar estas plataformas
  6. Engadir no SUXI as variantes da súa firma e a ligazón aos seus identificadores dixitais

Para estas accións pode contar co apoio das bibliotecas da UDC

Universidade da Coruña. Servizo de Biblioteca Universitaria. Campus de Elviña, Edificio Xoana Capdevielle, 15071, A Coruña. infoguías.biblioteca@udc.es     Licenza de Creative Commons