A identificación de autoría na UDC

A firma científica é aquela que mellor identifica ao investigador e a súa institución.
Determinar un único nome persoal e mencionar á súa institución nas publicacións científicas e nas bases de datos bibliográficas contribúe a correcta identificación do autor e aumenta a súa visibilidade.

Se ao longo da súa vida profesional, o autor emprega sempre a mesma forma para firmar os seus traballos, recuperará fácilmente as citas que reciba e calquera outra información sobre as súas publicacións. Isto favórecelle nos procesos de acreditación, á hora de presentar unha solicitude do sexenio, ou conseguir financiamento para proxectos de investigación.

Fixar o nome do autor na firma científica, significa:  1. Elixir unha forma que o identifique claramente  2. Empregar unicamente a forma elixida. 3. Unificar as variantes que utilizou previamente É importante que se utilice sempre a mesma forma e grafía, evitando abreviaturas. A causa das prácticas de indexación anglosaxonas, recoméndase incluir un guión entre aqueles elementos que as bases de datos científicas non deberían separar cando o autor desexe que aparezan (nomes de pila compostos, dous apelidos, apelidos compostos).

Vantaxes para o autor:

1. Ser identificado e o seu nome indexado correctamente nas bases de datos
2. Garantir a recuperación completa dos resultados da súa investigación
3. Coñecer facilmente as citas recibidas
4. Ser máis visible e aumentar o impacto das súas publicacións

Vantaxes para a Universidade da Coruña:

1. Recoller a produción científica da UDC sen dispersións ou perdas
2. Mellorar a súa posición e prestixio académico
3. Garantir a adecuada obtención de  indicadores, de gran importancia no financiamento da Universidade

Instrución para as autoras e os autores da UDC sobre filiación institucional de publicacións científicas

Criterios de firma

• IRALIS (International Registry for Authors)
• FECYT. Propuesta de manual de ayuda a los investigadores españoles para la normalización del nombre de autores e instituciones en las publicaciones científicas

Solicitar cambio de firma nas principais bases de datos

Instrución para as autoras e os autores da UDC sobre filiación institucional de publicacións científicas

O propósito desta instrución é:

• Que en todas as publicacións realizadas por autores da UDC apareza sempre citada a Universidade, e que esa cita sexa homoxénea para evitar a perda ou dispersión da actividade investigadora.
• Garantir o uso correcto da filiación institucional á Universidade da Coruña para facilitar o seguimento da producción científica da UDC.
• Asegurar a adecuada obtención de indicadores que son resultado da investigación, aspecto de gran importancia no financiamento da Universidade.

A instrución vai dirixida a:

• Todo o persoal académico e investigador, fixo ou temporal
• Os estudantes cuxos resultados de investigacións deriven do seu traballo na UDC, ben por becas de investigación ou por calquera outra forma de utilización de instalacións, recursos e servizos da Universidade.
• Profesores honorarios.
• Persoal da UDC vinculado a varias institucións (sector hospitalario ou outra institución/centro de I+D+i) ou con outros acordos de asociación.
• A UDC debe ser citada cando a institución teña feito unha contribución necesaria,  independentemente do empleo formal do autor ou do financiamento do seu posto.

Firma dunha publicación ou contribución científica