Unha vez autenticado no "Meu rexistro", para exportar o historial de lectura premer en “Exportar o meu historial de lectura”
Non é necesario exportar todos os rexistros do historial, poden marcarse os que se queren exportar.
Na parte esquerda selecciónase o formato de exportación da lista:
- Presentación completa: expórtase o rexistro bibliográfico completo do documento.
- Presentación breve: expórtase o rexistro en formato abreviado: autor/a, título e datos de publicación.
- Pro-Cite: expórtase a lista de rexistros nun formato adaptado ao xestor de referencias Pro-Cite.
- End-Note/Refworks: expórtase a lista de rexistros nun formato adaptado aos xestores de referencias End-Note e Refworks.
- MARC: expórtase a lista de rexistros en formato MARC, linguaxe que se emprega para a catalogación dos documentos.
Na parte dereita selecciónase o destino do arquivo de exportación:
- Correo electrónico: envíase a lista seleccionada por correo electrónico ao enderezo que se insire no recadro.
- Pantalla: amósanse os rexistros na pantalla do ordenador ou dispositivo electrónico.
- Disco local: garda o arquivo que contén os rexistros no disco local, en formato .txt. É preferible elixir esta opción para facer a exportación posterior aos xestores de referencias.
