INFOguías: Propiedade intelectual e dereitos de autor: AULA VIRTUAL

Que podo subir a Aula Virtual

Usos permitidos pola lexislación vixente:

Obras propias sempre que non cederamos os dereitos de explotación a terceiros (revista, editorial ...)
Materiais con licenzas libres Creative Commons ou similares. É conveniente ler o resumo das licenzas para coñecer cales son os usos permitidos en cada caso.
Materiais en dominio público.
Disposicións legais e regulamentarias, as resolucións de órganos xurisdicionais, actos, acordos, deliberacións e ditames de organismos públicos e traducións oficiais de todos eles.
Fragmentos de obras de natureza escrita, sonora ou audiovisual, ou obras plásticas ou fotográficas illadas, sempre que se trate de:
- Obras xa divulgadas
- Indicando o autor e a referencia bibliográfica.
- A inclusión do texto ten que estar xustificada como cita, análise, comentario ou xuízo crítico.
- Que só teñan acceso a través de redes internas e pechadas os alumnos e o persoal docente ou investigador do centro educativo.
Documentos subscritos pola biblioteca da UDC e sempre que o permitan os contratos ou licenzas asinadas cós proveedores. Hai que ter conta de que cada proveedor ten o seu modelo de licenza polo que compre sempre consultar á biblioteca as condicións dos contratos.

Preguntas máis frecuentes

Nunha intranet docente pódese publicar libremente todo tipo de documentos?

Xa que a UDC paga unha remuneración aos titulares dos dereitos de autor a través do acordo asinado entre CRUE e CEDRO-VEGAP, os profesores poden subir á aula virtual os documentos indicados no panel da esquerda. Ademáis, poderá realizar a dixitalización previa dun capítulo dun libro, ou o 10% das páginas dun libro ou un artígoo de revista, sen necesidade de solicitar autorización, sempre e cando os actos se realicen na universidade, por seu persoal e con medios e instrumentos propios. Quedan excluidas, sen embargo, as compilacións de fragmentos de obras ou imaxes, as partituras e as obras dun só uso, por exemplo os libros de exercicios.

Pódense poñer libremente enlaces a páxinas web?

Recoller enlaces simples á páxinas web non supón ningunha infracción dos dereitos de autor..

Que uso poden facer os alumnos dos materiais que poñen os profesores na aula virtual?

Os apuntes, artigos de revistas, capítulos de libros, etc. - que están a disposición dos alumnos - só poden ser utilizados para o seu uso persoal, segunda a excepción prevista no art. 31 LPI que permite a copia para uso privado.

Que dereito teñen os profesores sobre os traballos realizados polos alumnos?

Non teñen ningún dereito. A tutela ou dirección dos mesmos non implica a súa participación na creación dos traballos orixinais, polo tanto, se precisa a autorización do alumno. Art. 5 e 39 do Estatuto do estudantado (Aprobado polo Claustro Universitario o 29 de maio de 2007).

Pódense utilizar libremente os contidos dipoñibles na Internet?

Os contidos dispoñibles na Internet teñen as mesmas condicións de proteción que os publicados noutros medios ou soportes.

Pautas para la creación y publicación de material audiovisual en las universidades 2014

Usos non lícitos na Aula Virtual

Que usos non son lícitos con fins docentes:

Reproducir, distribuir, transformar ou comunicar no campus virtual:

Unha partitura musical.
Máis dun 10% dun manual universitario ou libro de texto.
Obras dun so uso, por exemplo, caderno de exercicios.
Unha obra impresa completa, unha obra audivisual, unha obra radiofónica, un musical, un programa de ordenador.
Máis dun capítulo dun libro.
Máis do 10% do total dunha obra.
Non se admiten as recopilacións de fragmentos ou imaxes, por exemplo, un vídeo compuesto íntegramente de reproducións de trozos de outros vídeos, e/ou imaxes.