Persoal investigador da Universidade da Coruña
Segundo o regulamento de propiedade industrial e intelectual da Universidade da Coruña, correspóndelle á UDC a titularidade dos dereitos de propiedade intelectual e industrial dos resultados da actividade investigadora, de innovación e desenvolvemento realizados polo persoal investigador como consecuencia das funcións que lle son propias.
Estudandes da UDC
Corresóndelles aos estudantes a titularidade e os dereitos de explotación sobre as invencións que desenvolveren no marco dunha actividade académica.
No caso de invencións desenvolvidas polo estudantado conxuntamente co persoal investigador, a titularidade e os dereitos de explotación da invención corresponderanlles tanto aos estudantes como á propia UDC, na proporción na que ambos intervisen.
Xestións das patentes
A Oficina de Transferencia de Resultados de Investigación (OTRI) encárgase de xestionar a solicitude das patentes realizadas polo profesorado da UDC no ámbito das súas funcións docentes e investigadoras.
Se vostede desexa comunicar un resultado, que considera susceptible de ser protexido, deberá cumprimentar o seguinte cuestionario de análise tecnolóxica e remitilo á OTRI no menor prazo posible e sempre antes de publicar ou difundir calquera información relacionada co fin de evitar a perda de novidade.
Supostos específicos
No "Regulamento de propiedade industrial e propiedade intelectual da Universidade da Coruña") recóllense os seguintes casos:
Programas de computador (software): a titularidade dos dereitos de explotación sobre software desenvolvido por calquera membro do persoal investigador en execución das súas actividades de investigación, corresponderalle á UDC.
Obras colectivas: tanto os dereitos morais como de explotación correspondenlle a UDC sempre que sexa a que edite e divulgue ao seu nome e, agás, que haxa un pacto en contrario.
Teses de doutoramento: unha vez aprobada a tese de doutoramento, a UDC ocuparase do seu arquivo en formato electrónico aberto no Repositorio Institucional (RUC). O autor ten que asinar a Declaración para o depósito no Repositorio Institucional da UDC (RUC). Exceptúanse as teses que a Comisión académica do programa de doutoramento determine que existen convenios de confidencialidade con algunha empresa ou nas que haxa posibilidade de xeración de patentes.
É o conxunto de dereitos que protexen a actividade innovadora manifestada en novos produtos, novos procedementos ou novos deseños e a actividade mercantil mediante a identificación en exclusiva de produtos e servizos ofrecidos no mercado.
Deseños industriais, marcas e nomes comerciais
No ámbito da Propiedade Industrial un deseño industrial pode consistir en:
É un título que concede o dereito exclusivo para a utilización dun signo para identificar un produto ou servizo no mercado. A marca pode ser palabras, imaxes, figuras, símbolos, gráficos letras cifras, formas tridimesionais (envoltorios, envases, formas do produto ou a súa representación).
É un título que concede o dereito exclusivo para utilizar calquera signo ou denominación como identificador dunha empresa no tráfico mercantil. Tanto os nomes comerciais, como os títulos de propiedade industrial, son independentes dos nomes das sociedades inscritos nos Rexistros Mercantís.
Son os titulos que protexen o (esquema de) trazado das distintas capas e elementos que compoñen un circuíto integrado, a súa disposición tridimensional e súas interconexións, é dicir, o que en definitiva constitúe a súa topografía.
Unha patente é un dereito exclusivo que se concede sobre unha invención que pode consistir nun produto ou un proceso que, polo xeral, ofrece unha nova maneira de facer algo ou unha nova solución técnica a un problema. Para obter unha patente, hai que presentar unha solicitude na que se divulga públicamente información técnica acerca da invención.
A patente constan dunha memoria descritiva dirixida a explicar o problema técnico,e como se resolve. Compóñese dunha descrición da invención, debuxos aclaratorios, resumo e reivindicacións. As reivindicacións son as características técnicas ás que se otorga a proteción legal.
A resolición dun problema técnico e pode referirse a procedementos, produtos, aparatos ou dispositivos técnicos. Ou tambén ao uso dos ditos produtos.
O Modelo de Utilidade protexe invendións con menor rango inventivo que as protexidas polas patentes. Consiste, por exemplo, en dar a un obxecto unha configuración ou estrutura da que se deriva algunha utilidade ou avantaxe práctica. O dispositivo, instrumento ou ferramenta protexible polo Modelo de Utilidade caracterízase pola súa "utilidade" e "practicidade" e non pola súa estética como ocurre no Deseño Industrial.
Universidade da Coruña. Servizo de Biblioteca Universitaria. Campus de Elviña, Edificio Xoana Capdevielle, 15071, A Coruña. infoguías.biblioteca@udc.es 