INFOguías: Datos de investigación: Preservar

Almacenamento
Seguridade ao compartir

Desde o momento no que se comeza unha investigación, a preservación de datos, ou máis especificamente, a preservación de datos dixitais xerados debería ser un aspecto crave a considerar, algúns datos son únicos e se se destrúen ou perden non poden ser substituídos polo que se fai necesario planificar os espazos de almacenamento así como deseñar un plan de protección e seguridade dos mesmos.

Considéranse boas prácticas de almacenamento:

Almacenar datos en formatos legibles a longo prazo
Verificar os arquivos cada certo tempo
Organizar e etiquetar claramente os datos almacenados para que sexan facilmente localizables e accesibles
Ter en consideración a degración física dos soportes ópticos e magnéticos por se é necesario copiar ou migrar datos
Almacenar os datos en distintos soportes, mesmo para un proxecto a curto prazo, por exemplo no disco duro e en CD
Crear versións dixitais da documentación en papel, en Formato PDF/A para a preservación e o almacenamento a longo prazo
Ter en conta factores de conservación dos soportes, como os cambios de temperatura,a humidade relativa, a luz, etc

Os medios de almacenamento son complementarios entre si e algunhas das solucións máis comúns son:

Almacén de datos persoal ou do proxecto (por exemplo, utilizando discos USB, discos duros de ordenadores portátiles ou unidades en rede dentro da institución), recomendados unicamente para ser utilizadas no curso da investigación
Repositorio institucional
Servizos nacionais de arquivo de datos, como o UK Data Service
Almacén de datos na nube
Repositorio disciplinar

Comparación de opcións de almacenamento de datos. Traducción de: ANDS (2016). Data Storage.

Os medios de almacenamento terán que ser seguros para protexer os dereitos de propiedade e manter a confidencialidade da información e se se trata de datos persoais, haberá que ter en conta tamén a lexislación nacional vixente.

Con relación á seguridade consideraremos:

Instalar un software antivirus actualizado nos dispositivos
Non confiar no correo electrónico para transmitir datos confidenciais, mesmo internamente, é un punto vulnerable na seguridade.
Servizos como Dropbox poden ser unha solución segura para transferir grandes arquivos.
Os servizos de intercambio de arquivos baseados na nube e as wikis poden ser válidos para compartir certos tipos de datos pero non para os datos confidenciais porque non se controla o seu almacenamento.
Os datos altamente confidenciais, independentemente do medio de almacenamento físico (computador portátil, unidades flash USB, CD / DVD) deberán converterse a un código ilexible e ter acceso a eles mediante un contrasinal ou clave para evitar a súa divulgación.

Un aspecto importante na protección dos datos relaciónase coa eliminación segura dos mesmos. É importante abordar este punto porque chegará un momento no que deberán eliminarse aqueles datos que conteñan información sensible e/ou que permita identificar a persoas.(por exemplo, unha vez que os datos foron anonimizados).

Este proceso ten que ser irreversible, pódese realizar mediante o uso de software especializado de sobreescritura de datos, desmagnetizando os medios de almacenamento ou destruíndoos fisicamente. Con calquera destes métodos os datos non serán recuperables.